١٣٤۔۔ جاؤ اور لوگوں میں اعلان کردو کہ جس شخص نے لاالہ الا اللہ کہا، اس کے لیے جنت ہے، خواہ اس نے چوری کی ہو اور زنا کیا ہو، خواہ ابوذر کی ناک خاک آلود ہو۔۔ الکبیر للطبرانی، (رح) بروایت ابوالدردائ۔
یہ مضمون کئی احادیث میں آیا ہے ، علامہ ابن حجر (رح) حدیث کی وضاحت میں فرماتے ہیں کہ امام بخاری کے نزدیک حدیث میں ایساشخص مراد ہے جو قبل ازوفات توبہ تائب ہوجائے۔ اور دیگر محدثین کے نزدیک حدیث عموم پر محمول ہے کہ دخول جنت عام ہے خواہ اول وہلہ میں ہوجائے یا اپنے اعمال کی سزا بھگتنے کے بعد۔