13450 حضرت ابوبکر (رض) سے مروی ہے کہ میں نبی اکرم (صلی اللہ علیہ وآلہ وسلم) کے پاس حاضر خدمت تھا ماعزبن مالک (رض) آپ کے روبرو حاضر ہوئے اور ایک مرتبہ (زنا کا) اعتراف کیا۔ آپ (صلی اللہ علیہ وآلہ وسلم) نے ان کو رد کردیا۔ وہ پھر آئے اور دوسری مرتبہ اعتراف کیا آپ نے ان کو پھر رد کردیا۔ وہ پھر آئے اور تیسری مرتبہ اعتراف کیا آپ (صلی اللہ علیہ وآلہ وسلم) نے ان کو پھر مسترد کردیا اور ساتھ میں ارشاد فرمایا : اگر تو نے چوتھی بار اعتراف زنا کیا تو میں تجھے سنگسار کردوں گا۔ پھر بھی انھوں نے چوتھی بار اعتراف کرلیا۔ تب آپ نے ان کو قید کیا۔ پھر لوگوں سے ان کے متعلق باز پرس کی۔ لوگوں نے کہا : ہمیں تو ان کی اچھائی کا ہی علم ہے۔ چنانچہ آپ (صلی اللہ علیہ وآلہ وسلم) نے ان کو رجم کروادیا۔
مصنف ابن ابی شیبہ، مسند احمد، الحارث ، البزار، مسند ابی یعلی، الطحاوی، الاوسط للطبرانی
کلام : روایت کی سند میں جابر الجعفی ضعیف روای ہے۔