13459 عن الشوری ، عن الاعمش عن ابن المسیب کی سند سے مروی ہے کہ حضرت عمر بن خطاب (رض) کے پاس ایک عورت لائی گئی۔ اس کو جنگل میں ایک چرواہا ملا۔ یہ پیاسی تھی۔ اس نے چرواہے سے پانی مانگا لیکن چرواہے نے اس کے عوض اس کے ساتھ بدکاری کی شرط رکھ دی۔ اس نے چرواہے کہ خدا کا واسطہ دیا (مگر وہ نہ مانا) حتیٰ کہ شدت پیاس سے اس کا حال برا ہوگیا تو اس نے چرواہے کہ اپنے اوپر قدرت دیدی۔ چنانچہ حضرت عمر (رض) نے اس عورت سے حدساقط کردی۔
الجامع لعبد الرزاق