13466 حضرت عمر (رض) سے مروی ہے کہ ان کے پاس ایک عورت لائی گئی جس نے زنا کیا تھا۔ آپ (رض) نے فرمایا : افسوس ہے عورت پر جس نے اپنا حسب نسب خراب کرلیا۔ پھر آپ (رض) دو آدمیوں کو حکم دیا اس عورت کو لے جاؤ اور اس کی ضربیں (حد) لگاؤ۔ لیکن اس کی جلد نہ پھاڑ دینا۔
پھر فرمایا : اللہ تعالیٰ نے (حد زنا میں) چار گواہوں کی شرط کو پردہ بنایا ہے۔ اسی کے ساتھ تمہارے برے کاموں میں تم پر پردہ ڈال دیا ہے (کیونکہ چار گواہوں کا اکٹھا ملنا محال ہے) لہٰذا کوئی بھی اس پردہ کو چاک نہ کرے (گواہی دے کر) سنو اللہ اگر چاہے گا چار گواہوں کے اس پردے کو ایک گواہ کردے گا (باقیوں کو گواہی سے روک دے گا) خواہ وہ ایک سچا ہو یا جھوٹا (لہٰذا زنا پر گواہ بننے میں جلدی نہ کرو) ۔ الجامع لعبد الرزاق، السنن للبیہقی