13475 قاسم بن عبدالرحمن اپنے والد سے روایت کرتے ہیں کہ حضرت عبداللہ بن مسعود (رض) کے روبرو ایک آدمی پیش کیا گیا جو کسی عورت کے ساتھ ایک ہی لحاف میں پرا پایا گیا تھا، چنانچہ آپ (رض) نے دونوں میں سے ہر ایک کو چالیس چالیس کوڑے لگوائے اور دونوں کو لوگوں کے سامنے سزادی۔ چنانچہ عورت اور مرد دونوں کے خاندان والے حضرت عمر بن خطاب (رض) کی خدمت میں شکایت لے کر گئے۔ حضرت عمر (رض) نے ابن مسعود (رض) سے پوچھا : یہ لوگ کیا کہتے ہیں، تم نے یہ کام کیا ہے، اس کے متعلق کیا خیال ہے ؟ حضرت ابن مسعود (رض) نے عرض کیا : جی ہاں میں نے یہ کیا ہے۔
حضرت عمر (رض) نے فرمایا : جو کیا اچھا کیا۔
راوی کہتے ہیں : ہم تو حضرت عمر بن خطاب (رض) کے پاس شکایت لے کر حاضر ہوئے تھے۔ وہاں الٹا حضرت عمر (رض) حضرت ابن مسعود (رض) کی تحسین فرمانے لگے۔ الجامع لعبد الرزاق