13485 (مسند عثمان (رض)) ابوالضحیٰ (رح) سے مروی ہے وہ ابن عباس (رض) کے رفیق اور ساتھی سے روایت کرتے ہیں، وہ کہتے ہیں کہ میں حضرت ابن عباس (رض) کے ساتھ (حضرت عثمان (رض) کی) بارگاہ خلافت میں تھا۔ حضرت عثمان (رض) کے پاس ایک عورت کو پیش کیا گیا جس نے چھ ماہ میں بچہ جن دیا تھا۔ حضرت عثمان (رض) نے اس کو رجم کرنے کا حکم دیا۔ حضرت ابن عباس (رض) نے عرض کیا میں کتاب اللہ کے ساتھ اس کے خلاف دلیل پیش کرتا ہوں۔ اللہ تعالیٰ کا فرمان ہے :
وحملہ وفصالہ ثلثون شھراً
اس کا حمل اور دودھ چھڑانا تیس ماہ ہے۔
چنانچہ حمل چھ ماہ ہے اور دودھ پلانے کی مدت دو سال ہے۔
چنانچہ حضرت عثمان (رض) نے عورت سے حدکو ساقط کردیا۔
الجامع لعبدالرزاق، وکیع، ابن جریر، ابن ابی حاتم