13491 شعبی (رح) سے مروی ہے کہ حضرت علی (رض) کے پاس قبیلہ ھمدان کی ایک عورت لائی گئی جو رانڈ تھی لیکن اس کو حمل ٹھہر چکا تھا۔ اس کا نام شراحۃ تھا اس سے زنا کا ارتکاب ہوا تھا۔ حضرت علی (رض) نے عورت کو ارشاد فرمایا : شاید آدمی نے تیرے ساتھ زبردستی کی ہوگی ؟ عورت بولی : نہیں ! ارشاد فرمایا : شاید تو سوئی پڑی ہوگی اور آدمی نے تجھے چھاپ لیا ہوگا ؟ بول : نہیں ارشاد فرمایا : شاید وہ آدمی تیرا شوہر ہو، لیکن چونکہ وہ ہمارے ان دشمنوں میں سے ہوگا اس لیے تو اس کو ہم سے چھپا رہی ہوگی۔ عرض کیا : نہیں ۔ مجبوراً حضرت علی (رض) نے اس کو محبوس کرادیا۔ جب اس نے اپنے بچے کو جنم دے لیا تو آپ (رض) نے سا کو جمعرات کے روز سو کوڑے لگوائے۔ پھر جمعہ کے دن رجم (سنگسار) کرنے کا حکم دیا۔ اس کے لیے بازار میں ایک گڑھا کھودا گیا۔ لوگ اس کے گرد گھوم گھوم کر چکر کاٹنے لگے۔ آپ (رض) نے لوگوں کو درے سے مارا اور ارشاد فرمایا : رجم یوں نہیں کیا جاتا۔ اگر اس طرح تم رجم کرو گے تو آپس میں ایک دوسرے کو روند کر قتل کرڈالو گے۔ بلکہ نماز کی طرح صفیں بنالو۔ پھر (صفیں بن جانے کے بعد) ارشاد فرمایا : اے لوگو ! اگر مجرم نے خود اپنے جرم کا اعتراف کیا ہو (جیسا کہ موجودہ صورت حال ہے) تو سب سے پہلے امام (حاکم) پتھر مارے گا۔ اور اگر چار گواہوں کے نتیجے میں سنگساری ہورہی ہو تو سب سے پہلے چار گواہ پتھر ماریں گے، کیونکہ ان کی گواہی کی وجہ سے یہ سنگساری ہورہی ہے۔ پھر امام۔ پھر عام لوگ۔
چنانچہ حضرت علی (رض) نے گڑھے میں موجود عورت کو پتھر مارا اور اللہ اکبر کا نعرہ مارا۔ پھر پہلی صف کا حکم دیا کہ اب تم مارو (جب انھوں نے پتھر مار لیے تو) پھر فرمایا اب تم چلے جاؤ۔ پھر پچھلی صف آگے آئی۔ اس طرح صفاً صفاً سنگ باری کی گئی۔ حتیٰ کہ وہ عورت جاں بحق ہوگئی۔ پھر حضرت علی (رض) نے ارشاد فرمایا : اب اس کے کفن دفن اور نماز کا اہتمام کرو جس طرح اپنے دوسروں مردوں کے ساتھ کرتے ہو۔ الجامع لعبد الرزاق، السنن للبیہقی