13501 بصرۃ الغفاری (رض) سے مروی ہے فرماتے ہیں : میں نے ایک کنواری باپردہ لڑکی سے شادی کی۔ لیکن میں نے اس کو حاملہ پایا (نبی (صلی اللہ علیہ وآلہ وسلم) سے شکایت کی تو) آپ (صلی اللہ علیہ وآلہ وسلم) نے ارشاد فرمایا : بہرحال جب بچہ تولد ہو وہ تیرا غلام بن جائے گا۔ اور اس کی ماں کو تم بچہ جننے کے بعد سوکوڑے مارنا، لیکن اس کا مہر اس کو دینا ہوگا جس کی وجہ سے اس کا حصول تمہارے لیے حلال ہوا۔
الدارقطنی فی السنن ، الکبیر للطبرانی، مستدرک الحاکم
کلام : علامہ ابن حجر (رح) نے الاطراف میں بصرۃ بن ابی بصرۃ الغفاری کے ترجمہ کے دوران اسی طرح مذکورہ روایت ذکر کی ہے۔ پھر اس کی ایک علت (سقم) کا ذکر کیا ہے کہ لوگوں نے اس روایت کو ابن جریج عن صفوان بن سلیم کے طریق سے نقل کیا ہے حالانکہ امام الدارقطنی (رح) نے فرمایا ابن جریج عن ابراہیم بن ابی یحییٰ عن صفوان بن سلیم صحیح طریقہ ہے۔