13508 حسن سے مروی ہے کہ ایک عورت نے اپنے شوہر کو باندی کے ساتھ ہم بستر پایا۔ اس کو بڑی غیرت اٹھی۔ وہ نبی اکرم (صلی اللہ علیہ وآلہ وسلم) کے پاس حاضر ہوئی اس کے تعاقب میں اس کا آدمی بھی پہنچ گیا۔ عورت بولی اس نے زنا کیا ہے۔ آدمی بولا : یارسول اللہ ! یہ جھوٹ بولتی ہے۔ بلکہ اصل ماجرا یوں ہے۔ تب عورت نے آدمی کی ڈاڑھی پکڑ لی۔ نبی کریم (صلی اللہ علیہ وآلہ وسلم) نے عورت کو جھڑکا۔ عورت نے ڈاڑھی چھوڑ دی ۔ آپ (صلی اللہ علیہ وآلہ وسلم) نے عورت کو ارشاد فرمایا : تجھے کیا علم کے وادی کا بالائی حصہ کون سا ہے اور آخری حصہ کونسا ؟ الجامع لعبد الرزاق