13516 حضرت سعید بن المسیب (رح) سے مروی ہے کہ حضرت عمر (رض) نے خطبہ دیا اور ارشاد فرمایا : بچو آیت رجم کے متعلق ہلاکت میں پڑنے سے ۔ کہیں کوئی یہ کہنے لگے : ہم تو رجم کو کتاب اللہ میں پاتے نہیں۔ بیشک رسول اللہ (صلی اللہ علیہ وآلہ وسلم) نے رجم کیا اور ہم نے آپ کے بعد رجم کیا۔ قسم ہے اس ذات کی جس کے ہاتھ میں میری جان ہے ! اگر کہنے والا یہ نہ کہتا کہ عمر بن خطاب نے کتاب اللہ میں نئی کتاب لکھ دی ہے تو میں ضرور اس کو لکھ دیتا۔ بیشک ہم نے اس کو قرآن پاک میں پڑھا ہے : الشیخ والشیخۃ فارجمو ھما البتۃ۔
بوڑھے مرد اور بوڑھی عورت کو (جب وہ زنا کریں) تو رجم کرو ضرور۔
مالک ، الشافعی ، ابن سعد، العدنی ، حلیۃ الاولیاء السنن للبیہقی