13521 ذھل بن کعب سے مروی ہے کہ حضرت عمر (رض) نے ارادہ فرمایا کہ اس عورت کو رجم فرمائیں جو بدکاری کے نتیجے میں حاملہ ہوگئی تھی۔ لیکن حضرت معاذ (رض) نے آپ (رض) کو فرمایا : تب تو آپ ظلم کرنے والے ہوں گے، جو جان اس عورت کے پیٹ میں ہے اس کا کیا گناہ ہے ؟ آپ کس بناء پر ایک جان کے گناہ کے بدلے دوجانوں کو قتل کریں گے ؟ چنانچہ حضرت عمر (رض) نے اس عورت کو چھوڑ دیا حتیٰ کہ اس نے بچہ جن دیا، تب آپ (رض) نے اس کا رجم (سنگسار) کیا ۔ مصنف ابن ابی شیبہ