13561 عطاء بن ابی رباح سے مروی ہے کہ ایک عورت نبی اکرم (صلی اللہ علیہ وآلہ وسلم) کے پاس حاضر ہوئی اور زنا کا اعتراف کیا۔ وہ حاملہ تھی۔ آپ (صلی اللہ علیہ وآلہ وسلم) نے فرمایا : جا اور جب بچہ جن لے پھر آنا۔ چنانچہ (ایک عرصہ بعد) وہ بچے کی ولادت کے بعد حاضر ہوئی تو آپ (صلی اللہ علیہ وآلہ وسلم) نے فرمایا : جا اس کو دودھ پلا، جب اس کا دودھ چھوٹ جائے تو پھر آنا۔ چنانچہ جب اس کا دودھ چھوٹ گیا وہ پھر اگئی پھر آپ (صلی اللہ علیہ وآلہ وسلم) نے اس کے لیے حکم ارشاد فرمایا اور اس کو رجم کردیا گیا۔ الجامع لعبد الرزاق، النسائی