13583 سوید بن غفلۃ سے مروی ہے کہ ایک ذمی (غیر مسلم) نے مسلمانوں کی ایک عورت جو گدھے پر سوار تھی اس کے گدھے کو کچوکا لگایا اور پھر عورت کو اپنی طرف کھینچا۔ لیکن حضرت عوف بن مالک اس کے اور عورت کے درمیان آگئے۔ لیکن ذمی نے حضرت عوف (رض) کو مارا۔ حضرت عوف (رض) نے حضرت عمر خلیفہ کو شکایت کی۔ حضرت عمر (رض) نے عورت کو بلایا اس سے سوال کیا۔ اس نے حضرت عوف (رض) کی بات کی تصدیق کی۔ چنانچہ حضرت عمر (رض) کے حکم پر ذمی آدمی کو سولی دیدی گئی۔ پھر حضرت عمر (رض) نے (خطبہ ارشاد) فرمایا : کہ اے لوگو ! محمد کے ذمہ کے بارے میں اللہ سے ڈرو۔ پس لوگوں پر ظلم نہ کرو پس جس ذمی نے ایسا کچھ کیا تو اس کا کوئی ذمہ نہیں۔ الحارث