13594 غزوان بن جریر اپنے والد سے روایت کرتے ہیں کہ حضرت علی (رض) کی مجلس میں بیٹھے ہوئے لوگوں کے درمیان فحش کاموں کا ذکر ہوا۔ حضرت علی (رض) نے حاضرین سے پوچھا : جانتے ہو اللہ کے نزدیک کون سا زنا سب سے بڑا ہے ؟ لوگوں نے عرض کیا : یا امیر المومنین ! زنا تو سب ہی بڑے ہیں۔ ارشاد فرمایا : مجھے معلوم ہے سب زنا بڑے ہیں۔ لیکن میں تم کو اللہ کے ہاں سب سے بڑے زنا کا بتاتا ہوں۔ وہ یوں کہ آدمی کسی مسلمان کی بیوی سے زنا کرے۔ وہ خود تو زانی ہوگا ہی لیکن ایک مسلمان کی بیوی کو بھی خراب کر (کے اس کا گھر تباہ کر) دے گا۔ پھر آپ (رض) نے ارشاد فرمایا : ہمیں خبر ملی ہے کہ لوگوں پر ایسی (متعفن) ہوا بھیجی جائے گی جو تمام لوگوں کو ہر جگہ پہنچے گی۔ وہ ہوا لوگوں کا سانس روک دینے کے قریب ہوگی کہ ایک منادی نداء دے گا اس کی آواز کو ہر ایک سنے گا : وہ کہے گا : لوگو ! جانتے ہو یہ کیسی ہوا ہے، جس نے تم کو اذیت میں مبتلا کردیا ہے ؟ وہ کہیں گے : ہم نہیں جانتے، مگر یہ ہوا ہر جگہ پہنچ رہی ہے۔ تب کہا جائے گا یہ زنا کرنے والوں کی شرم گاہوں سے نکلنے والی بدبودار ہوا ہے، یہ زانی اللہ سے اس حال میں ملے ہیں کہ انھوں نے اپنے زنا سے توبہ نہیں کی تھی۔
ثم ینصرف بھم فلم یذکر عندالا نصراف جنۃ ولا ناراً واللہ اعلم بمراد ھذا الکلام، الدروقی