13611 ابوامامہ (رض) سے مروی ہے کہ ایک آدمی رسول اللہ (صلی اللہ علیہ وآلہ وسلم) کی خدمت میں آیا اور بولا : یارسول اللہ ! مجھے زنا کی اجازت دیدیں۔ نبی (صلی اللہ علیہ وآلہ وسلم) کے قریب جو اصحاب بیٹھے تھے انھوں نے اس کو زدو کوب کرنا چاہا، لیکن نبی اکرم (صلی اللہ علیہ وآلہ وسلم) نے ارشاد فرمایا : اس کو چھوڑ دو ۔ پھر آپ (صلی اللہ علیہ وآلہ وسلم) نے اس سے پوچھا : کیا تو چاہتا ہے کہ تیری بہن کے ساتھ ایسا کام کیا جائے ؟ اس نے انکار کیا۔ آپ نے پوچھا : اچھا تیری بیٹی کے ساتھ ؟ اس نے انکار کیا۔ اس طرح آپ (صلی اللہ علیہ وآلہ وسلم) مختلف رشتوں کا نام لے لے کر اس سے پوچھتے رہے اور وہ انکار کرتا رہا۔ پھر نبی (صلی اللہ علیہ وآلہ وسلم) نے ارشاد فرمایا : جو بات اللہ نے تیرے لیے ناپسند کردی ہے وہ دوسروں کے لیے بھی ناپسند کر۔ اور جو اپنے لیے پسند کرتا ہے وہ اپنے بھائی کے لیے بھی پسند کر۔ ابن جریر