13614 ہمیں معمر نے زہری (رح) سے روایت بیان کی کہ ایک آدمی نے (غالباً یہ حضرت سعد (رض)) اور اپنے قبیلے کے سردار تھے آپ (صلی اللہ علیہ وآلہ وسلم) سے سوال کیا : کیا آدمی اگر اپنی بیوی کے ساتھ کسی غیر مرد کو پائے تو اس کو قتل کردے ؟ نبی (صلی اللہ علیہ وآلہ وسلم) نے (لوگوں کو مخاطب ہو کر) فرمایا : سنتے ہو وہ تمہارا سردار کیا کہہ رہا ہے ؟ لوگوں نے عرض کیا : یارسول اللہ ! اس کو ملامت نہ فرمائیں، یہ زیادہ غیرت مند آدمی ہے۔ اللہ کی قسم ! اس نے کبھی باکرہ (کنواری ) عورت کے علاوہ کسی سے شادی نہیں کی اور جب بھی کسی کو طلاق دی ہے (وہ اس حال تک پہنچا دی ہے) کہ کوئی بھی ہم میں سے اس کے ساتھ شادی نہیں کرسکتا۔ بالآخر نبی کریم (صلی اللہ علیہ وآلہ وسلم) نے ارشاد فرمایا : (کچھ بھی ہو لیکن) اللہ پاک گواہوں کے بغیر ایسی صورت سے انکار فرماتا ہے۔ الجامع لعبد الرزاق