13642 (مسند عثمان (رض)) سالم بن عبداللہ، ابان بن عثمان اور زید بن حسن سے مروی ہے کہ حضرت عثمان (رض) کے پاس ایک شخص لایا گیا جس نے ایک قریشی لڑکے ساتھ بدفعلی کی تھی۔ حضرت عثمان (رض) نے اس آدمی کے متعلق پوچھا کیا یہ محصن (شادی شدہ) ہے ؟ لوگوں نے کہا : اس نے نکاح تو کیا ہے مگر ابھی تک اس کے ساتھ ہم بستر نہیں ہوا۔ حضرت علی (رض) نے حضرت عثمان (رض) کو فرمایا : اگر یہ اپنی اہلیہ کے ساتھ ہم بستر ہوچکا ہوتا تو اس پر رجم کی سزا لازم آتی۔ لیکن اگر اس نے دخول نہیں (یعنی ابھی تک بیوی کے ساتھ ہم بستر نہیں ہوا) تو اب اس کو (سو کوڑوں کی) حد جاری کریں۔ ابوایوب (رض) جو حاضر مجلس تھے بولے : میں گواہی دیتا ہوں کہ جو ابوالحسن (حضرت علی (رض)) ذکر کررہے ہیں میں نے یہی بات رسول اللہ (صلی اللہ علیہ وآلہ وسلم) سے سنی ہے۔ چنانچہ حضرت عثمان (رض) نے اس کے لیے حکم دیدیا اور اس کو حد جاری کردی گئی۔ الکبیر للطبرانی