13652 حضرت عمر بن خطاب (رض) سے مروی ہے کہ انھوں نے دعا کی : اللھم بین لنافی الخمر بیانا شاقیاً ۔ اے اللہ ! ہمیں شراب کے بارے میں شافی بیان (واضح حکم) فرما دیجئے۔ کیونکہ یہ مال اور عقل دونوں کو اڑا دیتی ہے۔ چنانچہ سورة بقرہ کی یہ آیت نازل ہوگئی :
یسالونک عن الخمر والمیسر قل فیھما اثم کبیر۔
وہ لوگ آپ سے سوال کرتے ہیں شراب اور جوئے کے بارے میں کہہ دیجئے ان دونوں میں بڑا گناہ ہے۔
چنانچہ حضرت عمر (رض) کو بلایا گیا اور یہ آیت پڑھ کر سنائی گئی۔ حضرت عمر (رض) نے پھر دعا کی :
اللھم بین لنا فی الخمر بیاناً شافیاً
چنانچہ پھر سورة نساء کی یہ آیت نازل ہوگئی :
یا ایھا الذین آمنو الا تقربوا الصلاۃ وانتم سکاری۔
اے ایمان والو ! قریب نہ جاؤ نماز کے اس حال میں کہ تم (نشہ میں) مدہوش ہو۔
چنانچہ رسول اللہ (صلی اللہ علیہ وآلہ وسلم) جب نماز کے لیے کھڑے ہوتے تو آپ کا منادی پکارتا کوئی نشہ والا نماز کے قریب نہ آئے۔
چنانچہ حضرت عمر (رض) کو بلا کر یہ آیت سنائی گئی۔ حضرت عمر (رض) نے پھر وہی دعا کی :
اللھم بین لنا فی الخیر بیانا شافیاً
چنانچہ پھر سورة مائدہ کی آیت نازل ہوئی۔
جب آیت کے آخر میں یہ پڑھا گیا
فھل انتم منتھون
کیا تم (اس سے) باز آنے والے ہو۔
تو حضرت عمر (رض) نے فرمایا : انتھنا ہم باز آگئے۔
مصنف ابن ابی شیبہ ، مسند احمد، عبد بن حمید، ابوداؤد، الترمذی ، النسائی ، مسند ابی یعلی، ابن جریر، ابن المنذر، ابن ابی حاتم، ابوالشیخ، ابن مردویہ، حلیۃ الاولیاء، مستدرک الحاکم، السنن للبیہقی، السنن لسعید بن منصور۔