13686 (مسند علی (رض)) ابو ساسان الرقاشی خصین بن المنذر کہتے ہیں میں حضرت عثمان بن عفان (رض) کی بارگاہ خلافت میں حاضر ہوا۔ وہاں ولید بن عقبہ کو لایا گیا جس نے شراب نوشی کی تھی اور حمران بن ابان اور ایک دوسرے آدمی نے اس کی شہادت دی تھی۔ حضرت عثمان (رض) نے حضرت علی (رض) نے فرمایا : اس پر حد جاری کرو۔ حضرت علی (رض) نے عبداللہ بن جعفر کو کوڑے مارنے کا حکم دیا ۔ عبداللہ نے کوڑے مارنے شروع کردیئے۔ اور حضرت علی (رض) شمار کرتے رہے حتیٰ کہ حضرت علی (رض) نے چالیس تک شمار کیا پھر فرمایا رک جاؤ۔ رسول اللہ (صلی اللہ علیہ وآلہ وسلم) نے چالیس کوڑے مارے، ابوبکر (رض) نے چالیس کوڑے مارے، عمر (رض) نے صدر خلافت میں چالیس کوڑے مارے پھر اس کی تعداد پوری اسی فرمادی۔ اور یہ سب سنت ہیں اور مجھے یہ تعداد (چالیس) زیادہ پسند ہے۔ الجامع لعبد الرزاق، الکبیر للطبرانی، مسند احمد، مسلم، ابوداؤد، السنائی، الدارمی، ابن جریر، ابوعوانۃ، الطحاوی، الدارقطنی فی السنن، السنن للبیہقی