13694 ازھر بن عبدبن عوف الزہری (رض) سے مروی ہے کہ نبی اکرم (صلی اللہ علیہ وآلہ وسلم) کے پاس ایک مے نوش کو لایا گیا۔ آپ (صلی اللہ علیہ وآلہ وسلم) اس وقت خیبر مقام پر تھے۔ آپ (صلی اللہ علیہ وآلہ وسلم) نے اس کے چہرے پر مٹی ماری پھر اپنے اصحاب کو ہاتھوں کی چھڑی اور جوتوں کے ساتھ اسے مارنے کا حکم دیا حتیٰ کہ آپ نے خود ہی حکم فرمایا۔ ٹھہر جاؤ اور پھر اصحاب کرام ٹھہر گئے پھر (اسی طرح آپ شرب خمر پر سزا دیتے رہے حتیٰ کہ) آپ کی وفات ہوگئی۔ اور یہی آپ کا طریقہ رہا۔ پھر حضرت ابوبکر (رض) نے شراب نوشی میں چالیس کوڑے مارے، پھر آخر زمانہ خلافت تک اسی کوڑے مارتے رہے۔
الکبیر للطبرانی، ابونعیم