١٣٧٤۔۔ حضرت انس سے مروی ہے کہ ہم کو حضور سے زیادہ سوال کرنے سے ممانعت کی گئی تھی تو یہ ہماری خواہش ہوتی تھی کہ آپ کے پاس کوئی دیہاتی آکرسوال کرے اور ہم بھی اسے سنیں۔ تو ایک شخص نے آپ کے پاس آکرکہا، اے محمد ! ہمارے پاس تیرا ایک قاصد آیا تھا اس کا خیال تھا کہ تم اس بات کا دعوی کرتے ہو کہ اللہ نے آپ کو رسول بناکر بھیجا ہے ؟ کیا یہ سچ ہے آپ نے فرمایا اس نے سچ کہا ہے دیہاتی نے پوچھا آسمان کو کس نے پیدا کیا ؟ آپ نے فرمایا اللہ نے دیہاتی نے پھر پوچھا زمین کو کس نے پیدا کیا آپ نے فرمایا اللہ نے پھر پوچھا ان پہاڑوں کو ان کی جگہ کس نے نصب کیا ؟ فرمایا اللہ نے پوچھا اس میں ان منافع کو کس نے رکھا آپ نے فرمایا اللہ نے پھر دیہاتی نے کہا پس آپ کو اس ذات کیق سم اور اس کا واسطہ جس نے آسمان و زمین کو پیدا کیا پہاڑوں کو نصب کیا اور ان میں منافع کو رکھا، کیا واقعی اللہ نے آپ کو رسول بناکر بھیجا ہے ؟ آپ نے فرمایا بالکل۔ دیہاتی نے کہا اور آپ کے قاصد کا خیال ہے کہ ہمارے دن و رات میں پانچ نمازیں فرض کی گئی ہیں فرمایا س نے سچ کہا دیہاتی نے کہا، آپ کوا س ذات کی قسم جس نے آپ کو مبعوث فرمایا کیا واقعی اللہ نے اس کا آپ کو حکم دیا ہے فرمایا بالکل۔ دیہاتی نے کہا اور آپ کے قاصد کا یہ بھی خیال ہے کہ ہم پر ایک سال میں ایک ماہ کے روزے فرض کیے گئے ہیں ؟ فرمایا س نے سچ کہا، دیہاتی نے کہا آپ کو اس ذات کی قسم جس نے آپ کو مبعوث فرمایا ہے کیا واقعی اللہ نے اس کا آپ کو حکم فرمایا ہے ؟ فرمایا بالکل پھر دیہاتی نے کہا قسم ہے اس ذات کی جس نے آپ کو مبعوث فرمایا میں اس میں کچھ کمی و زیادتی نہ کروں گا پھر جب دیہاتی چلا گیا تو آپ نے فرمایا اگر اس نے سچ بولا ہے تو جنت میں ضرور داخل ہوجائے گا۔ کرر۔