13783 ابن سیرین (رح) سے مروی ہے کہ حضرت نوح (علیہ السلام) کو حکم ملا تھا کہ ہر چیز کے جوڑے کو اپنے ساتھ سوار کرلیں۔ چنانچہ آپ کے لیے جو لینا فرض تھا وہ لے لیا۔ لیکن انگور کی دو شاخیں گم ہوگئیں۔ آپ (صلی اللہ علیہ وآلہ وسلم) ان کو تلاش کرنے لگے۔ ایک فرشتہ ان سے ملاقات کرنے آیا۔ فرشتے نے پوچھا : آپ کیا تلاش کررہے ہیں ؟ حضرت نوح (علیہ السلام) نے فرمایا : دو شاخیں انگور کی۔ فرشتے نے عرض کیا : وہ تو شیطان لے گیا ہے۔ فرشتہ نے کہا : میں شیطان کو ان شاخوں سمیت پکڑ کر لاتا ہوں۔
چنانچہ فرشتہ دونوں شاخوں کو اور شیطان کو لے آیا۔ فرشتے نے کہا : یہ شیطان بھی اب دونوں شاخوں میں آپ کا شریک ہوگیا ہے۔ لہٰذا اس کے ساتھ شراکت کو اچھی طرح نبہانا۔ نوح (علیہ السلام) نے فرمایا : میں (ان سے پیدا ہونے والے پھل میں) ایک تہائی رکھوں گا اور دو تہائی اس کے واسطے (جلنے میں) چھوڑ دوں گا۔ فرشتہ بولا : آپ نے بہت اچھا فیصلہ کیا اور آپ اچھے احسان کرنے والے ہیں۔ بس آپ انگور کشمش اور سرکے کو اس قدر پکائیں کہ اس کا دو تہائی اڑ جائے اور ایک تہائی باقی رہ جائے۔
ابن سیرین (رح) فرماتے ہیں : حضرت عمر (رض) کا (گورنروں کو لکھا ہوا) مراسلہ بھی اس کے موافق تھا۔
الجامع لعبد الرزاق