13797 میمون بن مہران سے مروی ہے کہ ایک انصاری آدمی حضرت عمر بن خطاب (رض) کے پاس سے گزرا جو گوشت اٹھائے جارہا تھا۔ آپ (رض) نے اس سے پوچھا : یہ کیا ہے ؟ اس نے کہا : گھر والوں کے لیے گوشت ہے آپ نے فرمایا بہت اچھا۔ پھر اگلے دن بھی اسی طرح وہ شخص گوشت اٹھائے گزرا۔ آپ نے پوچھا : یہ کیا ہے ؟ فرمایا : میرے گھر والوں کے لیے گوشت ہے۔ آپ (رض) نے فرمایا : اچھا ہے۔ پھر تیسرے دن بھی وہ شخص اسی طرح گوشت اٹھائے گزرا۔ آپ (رض) نے پوچھا : کیا ہے ؟ فرمایا : میرے گھر والوں کے لیے گوشت ہے۔ آپ نے اس کے سر پر کوڑا مارا۔ پھر منبر پر چڑھ کر ارشاد فرمایا : لوگو ! دوسرخ چیزوں (کو کثرت کے ساتھ استعمال کرنے) سے احتراز کرو۔ گوشت اور نبیذ۔ یہ دونوں دین کے لیے خرابی اور مال کے لیے تباہی کی چیز ہیں۔
ابونعیم فی حدیث عبدالملک بن حسن السقطی