13801 حضرت علی (رض) سے مروی ہے کہ مجھے رسول اللہ (صلی اللہ علیہ وآلہ وسلم) نے یمن بھیجا تاکہ میں (ان کا قاضی بن کر) ان کے لیے فیصلے کروں۔ میں نے عرض کیا : میں فیصلے کرنے میں اچھا نہیں ہوں۔ آپ (صلی اللہ علیہ وآلہ وسلم) نے اپنا ہاتھ میرے سینے پر رکھا پھر فرمایا : اللھم اھدہ للقضاء اے اللہ ! اس کو فیصلہ کرنے کی ہدایت دے۔ پھر آپ (صلی اللہ علیہ وآلہ وسلم) نے مجھے ارشاد فرمایا : کہ لوگوں کو احکام شریعت اور سنتیں سکھانا اور ان کو دباء (کدو کے برتن) حنتم (سبز گھڑے) ، نقیر (کھجور کی جڑ میں خلاء کرکے بنائے ہوئے برتن) اور مزفت (تار کول ملے ہوئے برتن) سے منع کروں۔
خلف بن عمر والعکبری فی فوائدہ