13806 حکم بن عینیہ، بحرین کے گورنر حضرت انس بن حذیفہ (رض) سے روایت کرتے ہیں کہ انس (رض) فرماتے ہیں : میں نے رسول اللہ (صلی اللہ علیہ وآلہ وسلم) کو لکھا کہ لوگوں نے شراب کے بعد کھجور اور انگور کے ایسے دوسرے مشروبات استعمال کرنا شروع کردیئے ہیں جو شراب کی طرح نشہ پیدا کرتے ہیں۔ اور وہ وباء نقیر، مزفت اور حنتم میں یہ مشروب بناتے ہیں۔ رسول اللہ (صلی اللہ علیہ وآلہ وسلم) نے فرمایا : ہر مشروب جو نشہ پیدا کرے حرام ہے، مزفت حرام ہے نقیر حرام ہے، حنتم حرام ہے۔ ہاں مشکیزوں میں نبیذ بنالو اور ان کے منہ بند کردیا کرو۔ چنانچہ لوگوں نے مشکیزوں میں نشہ آور اشیاء بنانا شروع کردیں۔ یہ بات نبی اکرم (صلی اللہ علیہ وآلہ وسلم) کو پہنچی تو آپ نے لوگوں کے بیچ کھڑے ہو کر ارشاد فرمایا : ایسا کام جہنمی لوگ کرتے ہیں، خبردار ! ہر نشہ آور شے حرام ہے، ہر بےحس کرنے والی شے حرام ہے اور جس کی کثیر مقدار حرام ہے اس کی قلیل مقدار بھی حرام ہے۔ ابونعیم، قال الحکم عنہ مرسلاً