13824 ابن عباس (رض) سے مروی ہے کہ نبی اکرم (صلی اللہ علیہ وآلہ وسلم) نے ایک روز اپنے صحابہ کو نماز پڑھائی جب نماز پڑھالی تو ایک آدمی نے پکارا : یارسول اللہ ! یہ ایک آدمی شراب نوش ہے۔ آپ (صلی اللہ علیہ وآلہ وسلم) نے آدمی کو بلایا اور پوچھا : تو نے کیا پیا ہے ؟ آدمی بولا : میں نے کشمش لے کر مٹکے میں ڈال دی تھیں پھر جب وہ (شراب بننے کے قریب) پہنچ گئیں تو میں نے ان کو پی لیا۔ پھر آپ (صلی اللہ علیہ وآلہ وسلم) نے فرمایا : اے دادی والو ! میں تم کو ان مشروبات سے منع کرتا ہوں جو سرخ یا سبز، یا سیاہ یا سفید گھڑے میں بنائے گئے ہوں۔ بلکہ تم اپنے مشکیزوں میں نبیذ بنالو۔ اور جب تم کو اس (کے نشہ آور ہونے) کا خطرہ ہوجائے تو اس میں پانی ملالو۔ الجامع لعبد الرزاق