13847 حضرت ابوہریرہ (رض) سے مروی ہے کہ میں جانتا تھا کہ رسول اللہ (صلی اللہ علیہ وآلہ وسلم) بعض دنوں میں روزہ رکھتے ہیں تو میں نے ایک مرتبہ آپ کی افطاری کے لیے کدو میں نبیذ بنائی جب شام کا وقت ہوا تو میں وہ اٹھا کر آپ کی خدمت میں لایا۔ آپ (صلی اللہ علیہ وآلہ وسلم) نے پوچھا : اے ابو ہریرہ ! یہ کیا ہے ؟ میں نے عرض کیا : یارسول اللہ ! مجھے معلوم تھا کہ آپ اس دن روزہ رکھتے ہیں۔ چنانچہ میں نے آپ کی افطاری کے لیے یہ نبیذ بنائی تھی۔ آپ (صلی اللہ علیہ وآلہ وسلم) نے فرمایا : اے ابو ہریرہ ! اس کو میرے قریب لاؤ۔ آپ نے دیکھا تو اس میں جوش آرہا تھا، آپ (صلی اللہ علیہ وآلہ وسلم) نے فرمایا : اس کو دیوار پر مارو۔ یہ اس شخص کا مشروب ہے جو اللہ اور یوم آخرت پر ایمان نہیں رکھتا۔
ابن عساکر