13853 محمد بن راشد سے مروی ہے کہ میں نے عمرو بن شعیب کو بیان کرتے ہوئے سنا کہ ابو موسیٰ اشعری (رض) کو جب نبی اکرم (صلی اللہ علیہ وآلہ وسلم) یمن (گورنر کی حیثیت سے) بھیجنے لگے تو آپ (رض) نے حضور (صلی اللہ علیہ وآلہ وسلم) سے پوچھا : کہ میری قوم والے (یعنی اہل یمن) مکئی سے ایک مشروب بناتے ہیں جس کو مزر کہتے ہیں۔ آپ (صلی اللہ علیہ وآلہ وسلم) نے پوچھا : کیا وہ نشہ آور ہے ؟ حضرت ابوموسیٰ (رض) نے ہاں میں جواب دیا تو آپ (صلی اللہ علیہ وآلہ وسلم) نے فرمایا پھر ان کو اس سے روک دو ۔ ابوموسیٰ (رض) نے عرض کیا : میں ان کو روکوں گا لیکن جو باز نہ آیا تو ؟ آپ نے ارشاد فرمایا : جو ان میں باز نہ آئے تیسری مرتبہ بھی اس کو قتل کردینا ۔ الجامع لعبد الرزاق