13861 (مسند صدیق (رض)) محمد بن حاطب سے مروی ہے کہ رسول اللہ (صلی اللہ علیہ وآلہ وسلم) کے پاس ایک چور کو لایا گیا۔ آپ نے اس کے قتل کا حکم فرمایا۔ آپ کو جب بتایا گیا کہ اس نے چوری کی ہے تو آپ نے ارشاد فرمایا : اس (کے ہاتھ) کو کاٹ دو ۔ پھر وہ کئی بار (زمانہ خلافت ابی بکر (رض)) میں حضرت ابوبکر (رض) کے پاس لایا گیا اس حال میں کہ ہاتھ پاؤں (چوری کے جرم میں) کاٹے جاچکے تھے۔ حضرت ابوبکر (رض) نے ارشاد فرمایا : میں تیرے لیے اب کوئی اور فیصلہ نہیں پاتا سوائے اس کے کہ جو رسول اللہ (صلی اللہ علیہ وآلہ وسلم) نے پہلے پہل تیرے بارے میں جو فیصلہ کیا تھا اور تیرے قتل کا حکم دیا تھا۔ آپ (صلی اللہ علیہ وآلہ وسلم) کو تیرے قتل کا بخوبی علم تھا۔ چنانچہ حضرت ابوبکر (رض) نے اس کے قتل کا حکم جاری فرمادیا۔ مسند ابی یعلی، الشاشی، الکبیر للطبرانی، مستدرک الحاکم، السنن لسعیدبن منصور
کلام : اخرجہ الحاکم فی المستدرک کتاب الحدود 382/4 ۔ امام ذہبی (رح) فرماتے ہیں بل منکر۔ یہ روایت منکر ہے۔