13887 ابن ابی ملیکہ سے مروی ہے حضرت ابن زبیر (رض) کے پاس ایک خدمت گار لڑکا لایا گیا، جس نے چوری کی تھی۔ آپ نے اس کے لیے حکم دیا اس کا بالشت سے قد پیمائش کیا گیا تو اس کا قد چھ بالشت نکلا۔ چنانچہ پھر حضرت ابن زبیر (رض) نے اس کا ہاتھ کٹوادیا۔ ابن ابی ملیکہ فرماتے ہیں ہمیں بیان کیا گیا ہے کہ اہل عراق کے ایک لڑکے نے چوری کرلی۔ حضرت عمر (رض) نے اس کے متعلق لکھا اس کے قد کی پیمائش کرو۔ اگر اس کا قد چھ بالشت نکل آئے تو اس کا ہاتھ کاٹ دو ۔ چنانچہ اس کا قد پیمائش کیا گیا مگر وہ چھ بالشت سے چند پورکم نکلا جس کی وجہ سے اس کو چھوڑ دیا گیا۔
شعب الایمان للبیہقی ، مسدد، ابن المنذر فی الاوسط