13908 عکرمہ بن خالد سے مروی ہے کہ حضرت علی (رض) چور کا (ہاتھ یا پاؤں) نہ کاٹتے تھے حتیٰ کہ گواہ اس پر گواہی نہ دیدیں۔ پھر آپ ان گواہوں کو اس کے سامنے کھڑا کرتے اور پھر ان سے اس پر روبرور گواہی لیتے ۔ اگر وہ گواہی دیتے تو تب اس کا ہاتھ کاٹتے تھے۔ اگر وہ گواہی سے منکر ہوجاتے تو چور کو چھوڑ دیتے تھے۔ اسی طرح ایک مرتبہ ایک چور کو لایا گیا آپ نے اس کو قید میں ڈلوادیا۔ حتیٰ کہ جب اگلا روز ہوا تو اس کو اور دوگواہوں کو بلوایا۔ آپ کو بتایا گیا کہ ایک گواہ تو غائب ہوگیا ہے۔ چنانچہ آپ (رض) نے چور کا راستہ چھوڑ دیا اور اس کا ہاتھ وغیرہ نہ کاٹا۔ الجامع لعبد الرزاق