13934 حارث بن حاطب سے مروی ہے کہ ایک آدمی نے عہد نبی (صلی اللہ علیہ وآلہ وسلم) میں چوری کرلی۔ اس کو نبی اکرم (صلی اللہ علیہ وآلہ وسلم) کے پاس لایا گیا ۔ آپ نے فرمایا : اس کو قتل کردو۔ لوگوں نے عرض کیا : یارسول اللہ ! اس نے فقط چور ی کی ہے۔ آپ نے فرمایا : اس کا (ہاتھ) کاٹ دو ۔ اسی شخص نے پھر حضرت ابوبکر (رض) کے عہد خلافت میں چوری کی۔ آپ (رض) نے بھی اس کا (پاؤں) کاٹ دیا۔ اس نے پھر چوری کی اس طرح چار مرتبہ اس کے ہاتھ پاؤں کاٹ دیئے گئے۔ اور وہ بالکل بےدست وپا ہوگیا۔ پھر اس نے پانچویں بار چوری کی تو حضرت ابوبکر (رض) نے فرمایا : رسول اللہ (صلی اللہ علیہ وآلہ وسلم) اس شخص کو بخوبی جانتے تھے۔ جب آپ نے اس کے قتل کرنے کا حکم دیا۔ بس اب اس کو لے جاؤ اور قتل کردو۔ حارث کہتے ہیں چنانچہ ہم نے اس کو قتل کردیا۔ الحسن بن سفیان، مسند ابی یعلی، الشاشی، الکبیر للطبرانی، مستدرک الحاکم، ابونعیم ، السنن لسعید بن منصور