13956 عکرمہ بن خالد المخزومی سے مروی ہے کہ اسید بن ظہیر الانصاری (رض) نے ان کو بیان کیا کہ وہ یمامہ کے عامل (گورنر) تھے۔ مردان نے ان کو لکھ کر بھیجا کہ جس شخص کی کوئی شے چوری ہوجائے وہ جہاں بھی اس کو پائے اس کو لینے کا حقدار ہے۔ میں نے مروان کو لکھا کہ رسول اللہ (صلی اللہ علیہ وآلہ وسلم) نے یہ فیصلہ فرمایا تھا کہ اگر چور سے خریدنے والا شخص غیر مہتم ہے (شریف اور معزز انسان ہے) تو مالک کو اختیار ہے، چاہے قیمت دے کر اس سے اپنا مال لے لے۔ ورنہ اصل چور کو تلاش کرے۔ پھر اسی کے مطابق ابوبکر (رض) ، عمر (رض) ، عثمان (رض) نے فیصلے کیے۔ یہ بات مروان نے پڑھ کر حضرت امیر معاویہ (رض) کو لکھ بھیجی۔ حضرت معاویہ نے مروان کو لکھا : تو اور اسید مجھ پر فیصلہ تھونپنے والے نہیں ہو۔ میں جو چاہوں تم کو حکم دوں گا ۔ لہٰذا میں نے جیسا تم کو حکم دیا ہے اس کو نافذ کرو۔ پھر مروان نے معاویہ کا خط مجھے بھیج دیا۔ میں نے کہا : میں اپنی حکمرانی میں معاویہ کے کہے پر فیصلے کا نفاذ نہیں کرسکتا (سبحان اللہ) ۔ الکبیر للطبرانی، الحسن بن سفیان
اس روایت کی سند صحیح ہے۔