13994 ابوالشعثاء سے مروی ہے کہ حضرت عمر بن خطاب (رض) نے شرحبیل بن السمط کو مسلمۃ دون المدائن (مدائن) کے سرحدی علاقے پر گورنر بنایا۔ شرحبیل نے ان کو خطبہ دیا اور فرمایا :
اے لوگو ! تم شراب والی سرزمین میں ہو جہاں فحاشی اور عورتیں زیادہ ہیں۔ پس جو تم میں سے کسی حد (سزا) کا مرتکب ہوجائے وہ ہمارے پاس آئے ہم اس پر حد جاری کریں گے۔ کیونکہ یہ اس کے لیے باعث طہور (پاکیزگی) ہے۔
یہ بات حضرت عمر (رض) کو پہنچی تو آپ نے فرمایا : میں تیرے لیے یہ بات جائز قرار نہیں دیتا کہ تو لوگوں کو حکم کرے کہ وہ اللہ کے پردہ کو پھاڑیں جو اللہ نے ان پر ڈھانپا ہے۔
الجامع لعبد الرزاق، ھناد، ابن عساکر