١٤٠٠۔۔ ازمسند عمیر بن قتادہ اللیثی، عبداللہ بن عبید اللیثی سے مروی ہے کہ وہ اپنے والد سے اور وہ اپنے دادا سے رویت کرتے ہیں کہ دریں اثناء کہ میں رسول اللہ کے پاس حاضر تھا کہ ایک شخص آپ کی خدمت میں آیا اور استفسار کیا کہ یارسول اللہ ایمان کیا ہے ؟ فرمایا صبر وسخاوت۔ استفسار کیا یارسول اللہ کون سا اسلام افضل ہے ؟ فرمایا وہ جس کی زبان اور ہاتھ کی ایذا سے مسلمان محفوظ رہے ۔ استفسار کیا یارسولا للہ کون سی ہجرت افضل ہے ؟ فرمایا جو برائیوں سے ہجرت یعنی کنارہ کشی کرلے۔ استفسار کیا یارسول اللہ کون ساجہاد افضل ہے ؟ فرمایا جس میں خون بہہ پڑے اور گھوڑا زخمی ہوجائے ۔ استفسار کیا یارسول اللہ کون صدقہ افضل ہے ؟ فرمایا کم میں سے بھی خرچ کرنا۔ استفسار کیا یارسول اللہ کون سی نماز افضل ہے ؟ فرمایا جس میں قیام طویل ہو۔ الکبیر للطبرانی ، شعب الایمان۔