14021 ابن عباس (رض) سے مروی ہے کہ حضرت عمر بن خطاب (رض) نے اپنے بیٹے عاصم کی ماں اپنی انصاری بیوی کو طلاق دیدی۔ پھر حضرت عمر (رض) نے ان سے ملاقات کی تو وہ اپنے بیٹے کو اٹھائے ہوئے تھیں اور بیٹے کا دودھ چھڑا چکی تھیں اور وہ چلنے پھرنے بھی لگا تھا۔ حضرت عمر (رض) نے بچہ کو ماں سے چھیننا چاہا اور بولے : میں اپنے بیٹے کا زیادہ حقدار ہوں۔ آخر دونوں اپنا فیصلہ حضرت ابوبکر (رض) کے پاس لے گئے۔ حضرت ابوبکر (رض) بچے کا فیصلہ ماں کے حق میں کردیا اور فرمایا : ماں کی خوشبو، اس کی گرمی اور اس کا بستر بچے کے لیے تم سے زیادہ بہتر ہے۔ جب تک کہ وہ جوان نہ ہوجائے اور اپنے لیے تم میں سے کسی کو پسند نہ کرلے۔ الجامع لعبد الرزاق