14050 حضرت حسن (رض) سے مروی ہے کہ حضرت ابوبکر صدیق (رض) نے خطبہ ارشاد فرمایا : اللہ کی قسم ! میں تم سے بہتر نہیں ہوں۔ میں اس منصب کو اپنے لیے پسند نہیں کرتا۔ میری خواہش ہے کہ تمہارے اندر کوئی ایسا فرد ہو جو میری جگہ آجائے۔ تمہارا کیا خیال ہے کہ میں تم میں سنت رسول اللہ (صلی اللہ علیہ وآلہ وسلم) کے مطابق عمل کروں۔ تب تو میں اس امارت کا بار نہیں اٹھاسکتا۔ بیشک رسول اللہ (صلی اللہ علیہ وآلہ وسلم) کی تو وحی کے ساتھ حفاظت کی جاتی تھی اور آپ کے ساتھ ایک فرشتہ رہتا تھا جبکہ میرے ساتھ شیطان ہوتا ہے جو مجھے تنگ کرتا رہتا ہے، پس جب میں غصہ میں ہوں تو مجھے سے کنارہ کرو۔ کہیں میں تمہارے بالوں میں اور تمہاری کھالوں میں کسی کو ترجیح نہ دوں (کہ تم پر سزا نافذ کروں) دیکھو ! میری حفاظت نظر میں رکھو ! اگر میں درست چل رہا ہوں تو میری مدد کرو اور اگر میں کج روی اختیار کروں تو مجھے سیدھا کردو۔
حضرت حسن (رض) فرماتے ہیں : اللہ کی قسم یہ آپ نے ایسا خطبہ ارشاد فرمایا تھا جس کے بعد ایسا کوئی خطبہ نہیں ارشاد فرمایا۔ ابن راھویہ ، ابوذر الھروی فی الجامع