14102 حضرت ابوسعیدخدری (رض) سے مروی ہے کہ جب حضرت ابوبکر (رض) کے پاس بحرین سے مال آیا تو میں نے مدینہ میں ابوبکر (رض) کے منادی کو یہ اعلان کرتے سنا : جس سے رسول اللہ (صلی اللہ علیہ وآلہ وسلم) اپنی زندگی میں مال دینے کا وعدہ فرما گئے ہوں وہ آجائے۔ چنانچہ یہ اعلان سن کر کئی لوگ حضرت ابوبکر (رض) کے پاس پہنچ گئے ۔ حضرت ابوبکر (رض) نے ان کو مال دیا۔ پھر ابو بشیر (رض) بھی حاضر خدمت ہوئے اور عرض کیا : رسول اللہ (صلی اللہ علیہ وآلہ وسلم) نے مجھے فرمایا تھا : اے ابوبشیر ! جب ہمارے پاس مال آئے تو تم آجانا۔ چنانچہ حضرت ابوبکر (رض) نے ان کو دو یا تین پیالے بھر کردرہم دیئے۔ ابوبشیر نے ان کو شمار کیا تو وہ چودہ سو درہم نکلے۔ ابن سعد