١٤١١۔۔ محمد بن جبیر سے مروی ہے کہ حضرت عمر (رض) کا حضرت عثمان پر گزرا ہوا اور ان کو سلام کیا مگر انھوں نے جواب نہ دیا، حضرت عمر (رض) حضرت ابوبکر کے پاس جاکر اس کی شکایت کی حضرت ابوبکر نے حضرت عثمان سے پوچھا کیا بات ہے تم نے اپنے بھائی کے سلام کا جواب کیوں نہیں دیا ؟ حضرت عثمان نے عرض کیا، اللہ کی قسم میں نے ان کا سلام سناہی نہیں ، میں تو اپنے آپ میں مگن تھا، حضرت ابوبکر نے پوچھاتم کن خیالات میں محو تھے ؟ عرض کیا شیطان کے خلاف کچھ خیالات تھے وہ میرے نفس میں ایسے ایسے خیالات القا کررہا تھا کہ جن کو میں روئے زمین کے خزانوں کے عوض بھی اپنی زبان پر بھی لا ناپسند نہیں کرتا، جب شیطان میرے دل میں ایسے وساوس پیدا کرتا ہے تو میرے دل میں تمنا اٹھتی ہے کہ کاش میں اس سے نجات کے متعلق حضور سے سوال کرچکا ہوتا۔۔ حضرت ابوبکر نے فرمایا اللہ کی قسم میں نے رسول اللہ سے اس کی شکایت کی تھی اور اس سے نجات کے متعلق بھی سوال کیا تھا، آپ نے فرمایا تھا کہ اس سے نجات کے لیے تم وہی کلمہ کہوجو میں نے اپنے چچا پر ان کی موت کے وقت پیش کیا تھا مگر انھوں نے انکار فرمادیا تھا۔ المسند لابی یعلی۔ علامہ بویصری زوائد العشرہ میں اس کے متعلق فرماتے ہیں کہ اس کی سند حسن ہے۔