14110 موسیٰ بن ابراہیم آل ربیعہ کے ایک آدمی سے نقل کرتے ہیں کہ ان کو یہ خبر ملی ہے کہ حضرت ابوبکر (رض) کو جب خلیفہ منتخب کرلیا گیا تو وہ اپنے گھر میں رنجیدہ وغمزدہ ہو کر بیٹھ گئے۔ حضرت عمر (رض) ان کے پاس تشریف لائے تو ابوبکر (رض) ان کو ملامت کرنے لگے اور فرمایا : تم نے مجھے اس کام کی مشقت میں ڈالا ہے ، میرے لیے لوگوں کے درمیان فیصلہ کرنا کتنا کٹھن ہے۔
حضرت عمر (رض) نے ان کو فرمایا : کیا آپ کو علم نہیں ہے کہ رسول اللہ (صلی اللہ علیہ وآلہ وسلم) کا ارشاد ہے : حاکم جب اجتہاد کرتا ہے اور درست فیصلہ کرتا ہے تو اس کو دہرا اجر ملتا ہے۔ اور اگر وہ اجتہاد کے نتیجے میں خطا کر بیٹھتا ہے تو اس کو ایک اجر ملتا ہے۔
گویا حضرت عمر (رض) نے حضرت ابوبکر (رض) کے لیے سہولت پیدا کردی۔
ابن راھویہ، فضانا الصحابۃ للخیثمۃ، شعب الایمان للبیہقی