١٤١٤۔۔ ازمسند عمر (رض) بن الخطاب جابر بن عبداللہ سے مروی ہے کہ میں نے عمر بن خطاب سے سنا وہ طلحہ بن عبیداللہ کو فرما رہے تھے کہ کیا بات ہے کہ جب سے حضور کی وفات ہوئی۔۔۔ میں تمہیں پراگندہ و غبار آلود اور پریشان دیکھ رہاہوں ؟ شاید تمیہں اپنے چچازاد بھائی کی امارت سے گرانی گزری ہے طلحہ نے کہا، معاذ اللہ ایسی بات نہیں ہے بلکہ میں نے رسول اللہ کو یہ فرماتے ہوئے سنا تھا کہ میں ایک ایساکلمہ جانتا ہوں کہ جو شخص موت کے وقت اس کو کہہ لے وہ روح نکلتے وقت ایک نئی روح اور تازگی محسوس کرے گا اور وہ کلمہ قیامت کے روز اس کے لیے نورثابت ہوگا لیکن پھر میں رسول اللہ سے اس کلمہ کے بارے میں پوچھ نہ سکا اور نہ آپ نے مجھے اس کی خبر دی پس یہی بات میرے لیے پریشان کن ہے حضرت عمر نے فرمایا وہ کلمہ میں جانتا ہوں ۔ حضرت طلحہ نے کہا اللہ ہی کے لیے اس پر تمام تعریفیں ہیں وہ کون ساکلمہ ہے ؟ فرمایا وہ وہی کلمہ لاالہ الللہ ہے جو آپ نے اپنے چچا پر پیش کیا تھا، طلحہ نے عرض کیا آپ نے سچکہا۔ ابن ابی شیہ، مسنداحمد، النسائی، المسند لابی یعلی، الدارقطنی ، المعرفہ لابی نعیم رواہ مسنداحمد، المسند لابی یعلی، ابن ماجہ، المستدرک للحاکم، ابونعیم ، السنن لسعید، عن طلحۃ بن عمر (رض)۔ کیا آپ کو چچازاد کی امارت سے گرانی گزری ہے ؟ اس سے خلافت ابی بکر (رض) مراد ہے۔