14141 ابراہیم تیمی (رح) سے مروی ہے کہ جب رسول اللہ (صلی اللہ علیہ وآلہ وسلم) کی روح قبض ہوگئی تو حضرت عمر (رض) حضرت ابوعبیدہ بن الجراح (رض) کے پاس تشریف لائے اور فرمایا : اپنا ہاتھ پھیلاؤ میں آپ کی بیعت کروں گا۔ کیونکہ آپ رسول اللہ (صلی اللہ علیہ وآلہ وسلم) کی زبان کے مطابق اس امت کے امین ہیں۔ حضرت ابوعبیدۃ (رض) نے فرمایا : جب سے تم اسلام میں داخل ہوئے ہو میں نے تم سے کوئی ایسی بیوقوفی کی بات نہیں سنی (جیسی آج سنی ہے) کیا تو میری بیعت کرے گا حالانکہ تمہارے درمیان صدیق جو ثانی اثنین ہیں موجود ہیں۔ ابن سعد، ابن جریر