14145 زید بن علی اپنے آباء و اجداد سے روایت کرتے ہیں کہ حضرت ابوبکر (رض) رسول اللہ (صلی اللہ علیہ وآلہ وسلم) کے منبر پر کھڑے ہوئے اور تین بار ارشاد فرمایا کوئی ہے میری خلافت کو ناپسند کرنے والا، میں اس منصی کو واپس کرنے پر تیار ہوں۔ اور ہر بار حضرت علی (رض) نے کھڑے ہو کر جواب ارشاد فرمایا :
نہیں، اللہ کی قسم ! ہم آپ کو یہ منصب ہرگز واپس نہیں کرنے دیں گے اور نہ آپ سے اس ذمہ داری کو لیں گے ۔ کون ہے جو آپ کو پیچھے ہٹا سکتا ہے جبکہ رسول اللہ (صلی اللہ علیہ وآلہ وسلم) آپ کو آگے بڑھا چکے ہیں۔ ابن النجار