14147 ابوطلحہ سے مروی ہے کہ جب رسول اللہ (صلی اللہ علیہ وآلہ وسلم) کی وفات ہوگئی تو انصار کے خطباء کھڑے ہوئے اور بولے : اے گروہ مہاجرین ! رسول اللہ (صلی اللہ علیہ وآلہ وسلم) جب تم میں سے کسی کو (امیر بنا کر ) بھیجتے تھے تو ایک آدمی ہمارا اس کے ساتھ ملا دیتے تھے۔ حضرت زید بن ثابت (رض) کھڑے ہوئے اور فرمایا : رسول اللہ (صلی اللہ علیہ وآلہ وسلم) مہاجرین میں سے تھے اور ہم رسول اللہ (صلی اللہ علیہ وآلہ وسلم) کے انصار (مددگار) تھے۔ پس اب بھی جو رسول اللہ (صلی اللہ علیہ وآلہ وسلم) کی جگہ کھڑا ہوگا ہم اس کے انصار (مددگار ) ہوں گے۔ حضرت ابوبکر (رض) نے فرمایا : اللہ تعالیٰ تمہارے قبیلے کو اچھا بدلہ عطا کرے اے گروہ انصار اور اللہ تمہارے کہنے والے کو ثابت قدم رکھے۔ اللہ کی قسم ! اگر تم اس کے علاوہ کچھ اور کہتے تو ہم کبھی اس پر تم سے صلح نہ کرتے۔ الکبیر للطبرانی
کلام : روایت ضعیف ہے دیکھئے : ذخیرۃ الحفاظ 4527