14153 سعید بن المسیب (رح) سے مروی ہے کہ حضرت علی بن ابی طالب (رض) ابوبکر (رض) کی بیعت کے لیے نکلے اور ان کی بیعت کرلی۔ پھر انھوں نے انصار کی بات سنی تو ارشاد فرمایا : اے لوگو ! تم میں سے کون ہے جو اس شخص کو موخر کرے جس کو رسول اللہ (صلی اللہ علیہ وآلہ وسلم) مقدم فرماچکے ہیں۔
حضرت سعید بن المسیب (رح) فرماتے ہیں : حضرت علی (رض) نے (ابوبکر (رض)) کے حق میں مذکورہ ایسی بات ارشاد فرمائی تھی جو ابھی تک کسی نے نہ کی تھی۔ العشاری، اللالکائی، الاصبھانی فی الحجۃ