14167 حضرت ابن عمر (رض) سے مروی ہے کہ جب حضرت ابوبکر (رض) مرتدین سے جنگ کے لیے اپنی سواری پر سوار ہوئے تو حضرت علی (رض) نے ان کی سواری کی لگام تھام لی اور فرمایا : اے خلیفہ رسول اللہ ! کہا ! آج میں آپ کو وہی بات کہتا ہوں جو رسول اللہ (صلی اللہ علیہ وآلہ وسلم) نے آپ کو جنگ احد کے دن فرمائی تھی۔
اپنی تلوار کو نیام میں کرلیں ، اپنی جان کا غم ہمیں نہ دیں۔ اور مدینے واپس لوٹ جائیں۔ اللہ کی قسم ! اگر ہم کو آپ کا صدمہ پہنچ گیا تو اسلام کا نظام کبھی قائم نہ ہوسکے گا۔
الدارقطنی فی غرائب مالک، الخلعی فی الخلعیات
کلام : مذکورہ روایت کی سند میں ابوغزیۃ محمد بنی یحییٰ الزہری متروک ہے۔
نوٹ : اس مضمون کی کئی احادیث وجوب الزکوۃ میں ذکر کی گئی ہیں۔