١٤١٧۔۔ حضرت عمر (رض) سے مروی ہے کہ مجھے رسول اکرم نے حکم فرمایا کہ میں لوگوں میں منادی اعلان کردوں کہ جس نے اخلاص کے ساتھ اس بات کی شہادت دیدی کہ اللہ کے سوا کوئی معبود نہیں وہ تنہا ہے اس کا کوئی ساجھی نہیں وہ جنت میں داخل ہوجائے گا میں نے عرض کیا یارسول اللہ تب تو لوگ اعتماد کرکے بیٹھ جائیں گے و آپ نے فرمایا پھر چھوڑ دو ۔ المسند لابی یعلی، ابن جریر ، الصحیح لابن حبان۔
زوجہ طلحہ (رض) سے مروی ہے کہ حضور کی وفات کے بعد حضرت عمر کا طلحہ پر گزر ہوا تو حضرت عمر (رض) سے دریافت کیا کیا بات ہے کہ میں تم کو پریشان وپراگندہ ہیبت دیکھ رہاہوں کیا تم کو اپنے چچازاد کی امارت ناگوار گزری ہے ؟ حضرت طلحہ نے عرض کیا ہرگز نہیں لیکن میں نے رسول اللہ کو یہ فرماتے ہوئے سنا تھا کہ میں ایک ایساکلمہ جانتاہوں کہ اگر کوئی اس کو اپنی موت کے وقت کہہ لے توہ وہ کلمہ اس کے صحیفہ اعمال کے لیے نورثابت ہوگا اور اس کے جسم روح موت کے لمحہ میں اس کی وجہ سے ایک نئی روح اور فرحت محسوس کریں گے لیکن میں آپ سے اس کلمہ کو پوچھ نہ سکا۔ حتی کہ آپ کی وفات ہوگئی۔ حضرت عمر نے فرمایا میں جانتا ہوں وہ وہی کلمہ ہے جو آپ نے اپنے چچاپران کی موت کے وقت پیش کیا تھا۔ اور آپ کو اگر اس سے زیادہ نجات والا کوئی اور کلمہ معلوم ہوتا تو ضرور اس کا حکم فرماتے۔ النسائی، ابن ماجہ، البغوی، الکبیر للطبرانی، ابن خزیمہ، المسند لابی یعلی، الصحیح لابن حبان، المروزی فی الجنائز، ابن منذہ فی غرائب شعبہ، السنن لسعید۔