14182 حضرت اسلم سے مروی ہے کہ حضرت عثمان (رض) نے خلیفہ کا عہد لکھا۔ حضرت ابوبکر (رض) نے آپ کو حکم دیا کہ وہ کسی کا نام نہ لکھیں۔ چنانچہ حضرت عثمان (رض) نے آدمی کا نام چھوڑ دیا۔ پھر حضرت ابوبکر (رض) پر بےہوشی طاری ہوگئی۔ حضرت عثمان (رض) نے عہد نامہ میں عمر کا نام لکھ دیا۔ حضرت ابوبکر (رض) کو ہوش آگیا تو انھوں نے فرمایا : ہمیں عہد نامہ دکھاؤ۔ دیکھا تو اس میں عمر کا نام تھا۔ آپ (رض) نے پوچھا : یہ کس نے لکھا ؟ حضرت عثمان (رض) نے فرمایا : میں نے۔ حضرت ابوبکر (رض) نے فرمایا : اللہ تم پر رحم فرمائے اور اللہ تم کو اچھا بدلہ عطا کرے۔ اگر تم اپنا نام لکھ دیتے تو تم بھی یقیناً اس کے اہل تھے۔
الحسن بن عرفۃ فی جزہ
امام ابن کثیر (رح) فرماتے ہیں اس کی اسناد صحیح ہے۔