14196 (مسند عمر) نعمان بن بشیر سے مروی ہے کہ حضرت عمر بن خطاب (رض) نے ایک مجلس میں جس میں آپ کے گرد مہاجرین اور انصار بھی تھے، ارشاد فرمایا : کیا خیال ہے اگر میں بعض کاموں میں رعایت اور رخصت حاصل کرلوں تو تم کیا کروں گے ؟ لوگ چپ ہوگئے ۔ پھر آپ نے دو تین بار یہی سوال پوچھا۔ تب حضرت بشر بن سعد نے عرض کیا : اگر آپ نے ایسا کیا تو ہم آپ کو تیر کی طرح سیدھا کردیں گے۔ حضرت عمر (رض) نے فرمایا : تم بہت اچھا کروگے پھر ، تم بہت اچھا کرو گے پھر۔ ابوذر الھروی فی الجامع ، ابن عساکر