١٤٢١۔۔ ازمسند عبداللہ بن عمررضی الہ عنہما۔۔ اللہ عزوجل قیامت کے روز میری امت کے ایک فرد کو تمام مخلوق کے سامنے بلائیں گے پھر اس کے اعمال ناموں کے ننانوے دفتر اس کے سامنے پیش ہوں گے ۔ ہر دفتر انتہا نظر تک پھیلاہوگا پھر اللہ اس سے فرمائیں گے کیا تو ان میں سے سکی چیز کا انکار کرتا ہے ؟ شاید اعمال نامہ لکھنے والے محافظ فرشتوں نے کچھ ظلم کردیاہو ؟ وہ عرض کرے گا نہیں پروردگار۔۔ پھر اللہ اس سے فرمائیں گے کیا تیرے پاس ان کا کوئی عذر ہے ؟ وہ عرض کرے گا نہیں پروردگار۔۔ پھر اللہ اس سے فرمائیں گے لیکن ہمارے پاس تیری ایک نیکی ہے اور آج کے دن تجھ پر کوئی ظلم نہ ہوگا۔۔۔ پھر ایک کاغذ کا پرزہ نکالا جائے گا جس میں اشھد ان لاالہ الا اللہ واشھد ان محمد عبدہ ورسولہ ، درج ہوگا ۔ اللہ تعالیٰ فرمائیں گے جا اس کو وزن کرالے۔ بندہ عرض کرے گا پروردگار اتنے عظیم دفتروں کے مقابلے میں یہ اتناساپرزہ کیا کرے گا، کہا جائے گا آج کے دن تجھ پر کوئی ظلم نہ ہوگا۔۔ اور پھر تمام دفتروں کو ایک پلڑے میں اور اس کاغذ کے پرزے کو دوسرے پلڑے میں رکھ دیا جائے گا۔۔ اور کاغذ کا وہ پرزہ اس قدر وزنی ہوجائے گا کہ وہ تمام دفتر اڑتے پھریں گے ۔ بیشک اللہ کے نام کے مقابلہ میں کوئی شی وزنی نہیں ہے۔ مسنداحمد، صحیح ترمذی، حسن غریب۔ المستدرک للحاکم، شعب الایمان، بروایت ابن عمرو (رض) ۔